『隱形戰隊』拍攝追蹤

admin

來源：IG

admin

來源：IG

高糊的截圖⋯

主演：陳展鵬、唐詩詠

ching2506

劇名: 隱形戰隊

監製: 文偉鴻
編審: 林麗媚, 梁恩東
集數: 30

主要演員: 馬國明, 唐詩詠, 陳山聰, 劉詠鏇, 劉佩玥, 林子善

拜神日期: 18/08/2021
拍攝時間: 07/07/2021 -

日期： 18/8/2021 (三)
活動： 『隱形戰隊』拜神
嘉賓： 馬國明、唐詩詠、陳山聰、劉穎鏇、
          劉佩玥、林子善、江美儀、歐瑞偉、
          郭子豪、吳家樂、胡諾言、楊證樺、
          趙希洛、羅浩銘、伍禮騫、梁皓楷、
          李嘉晉、李爾晨、陸煥恆、盛勁為、
          林善恆、阮浩棕、容天佑、葉泓聲、
          陳國麟、麥詩晴、文偉鴻、林麗媚、
          梁恩東
時間： 13:00
地點：電視城13廠

ching2506

(on.cc)
新一代「收視福將」！陳展鵬孭3劇同馬國明披甲出戰
06月23日(三) 00:01

視帝陳展鵬擔演的無綫劇集《逆天奇案》收視創佳績，成為「2021年兩線劇集收視之冠」、大結局7天跨平台總收視達30.2，成績相當不俗，他頓時成為無綫新一代「收視福將」。前晚無綫為《逆》劇舉行慶功宴，副總經理曾志偉都有前來支持，展鵬指因忙於拍劇及宣傳新歌，故姍姍來遲，他透露剛剛再推出一首歌，寄望今年內推出3首。說到劇集於香港及內地口碑甚佳，有否帶挈內地工作時，他說：「仲未開番關，所以都係以網上宣傳為主，希望疫情快啲過去！」

據知無綫眼見展鵬之「威」勢，適逢現時要迎戰搶收視，故將他1分為3，安排他參演文偉鴻監製的新劇《隱形戰隊》，又安排他在不同劇集擔演「特別」演出，當中包括現時拍攝中的邵氏劇集《廉政狙擊》，以及張振朗與高海寧即將開拍的《童時愛上你》，實行由「福將」助攻。

新劇男主角「變陣」
原先有傳《隱》劇一直都是文偉鴻監製的《超能使者》班底再度合作，當中包括展鵬、陳山聰、唐詩詠、劉穎鏇、林子善，不過近日「變陣」，由馬國明擔演男主角，實行兩大視帝齊齊出招。文偉鴻受訪時坦言：「我哋會安排展鵬喺劇中擔演一個好特別嘅角色，呢個角色係觀眾未睇過，而展鵬亦都未演過，相當有挑戰性。」說到展鵬原本的角色是否由馬國明頂替時，他又說：「其實不嬲都有馬國明，展鵬今次會係特別演出，其他演員仲有唐詩詠、陳山聰、劉佩玥、江美儀、區瑞偉、劉穎鏇、林子善等。」

要養家唔怕辛苦
同時間要拍3劇的展鵬被問到要「助攻」搶收視時，他說：「所有嘢我都係等公司安排，依家有乜做乜，呢個時勢有嘢做已經好好，我要養家嘛！（怕唔怕辛苦？）唔怕！有得做已經好開心，自己會盡力去做。」說到《隱》劇少了機會與一班《超》劇兄弟姊妹合作時，他又說：「唔怕，我都喺度，都會一齊拍嘅！」

《隱》劇題材相當特別，演員正秘密操練當中，內容十分保密，今次他們不是玩超能力，故事講述警隊反恐，當中「隱形戰隊」是警隊中王牌，劇中演員分為不同部隊，馬國明、唐詩詠、劉佩玥、林子善隸屬「隱形任務戰略部隊」，就如電影《職業特工隊》（Mission：Impossible）這一類部隊，至於山聰、劉穎鏇就飾演反恐特勤隊，劇中要打到飛起。身在內地的馬國明受訪時說：「月尾我會返香港，返到嚟都要操練，趕番進度，Jazz（文偉鴻）做導演時我哋合作過，佢嘅劇向來有品質保證，自己好期待同唔同監製合作，因為喺佢哋眼中，我哋可能有啲特質未發掘出嚟，今次會有以前馬國明未畀大家見到嘅一面觀眾睇，呢樣嘢係我接呢套劇想有嘅！」他表示已看劇本中，今次好開心除了可以再跟「鐵馬兄弟」的詩詠、子善合作外，亦很期待與山聰合作，大讚對方是一個很好的演員：「我都好耐冇拍動作戲，今次好多，不過山聰就堅揪啲，依家自己喺內地都操緊。」

ching2506

(on.cc)
當爸隨緣！馬國明向岑麗香老公取經　商天娥爆料好快到佢
06月29日(二) 18:42

事後馬國明與岑麗香齊齊受訪，記者打趣指前者內地商演，豬籠入水？他笑着澄清：「唔係，搵餐飯仔食吓咋。」他坦言原本會於內地逗留多一段時間，但10多日前臨時接獲通知，要拍攝新劇《隱形戰隊》，所以推掉正接洽中的工作提早返港。

對於有傳《隱》劇原本由陳展鵬主演，但「變陣」由他頂上。馬國明坦言：「唔清楚但都唔介意，公司調動好正常。（擔心唔夠時間準備？）會，今朝返嚟受訓，攞過支槍都有10幾磅重，依家抱住童童覺得佢好輕。（你似乎好想做爸爸。）隨緣啦，小朋友好可愛。（叫香香過兩招畀你？）要問我都問佢老公啦。」而香香則不羨慕馬國明搵真銀的機會，皆因她目前忙着照顧兩名寶貝兒子，細仔開始反應多多，大仔又懂得拿玩具與弟弟分享，相當溫馨。



(明報即時娛樂)
頂替陳展鵬演新劇｜抱「女兒」展父愛 馬國明不抗拒做爸爸
2021年06月29日 (18:10)   

馬國明終於「歸隊」，今日聯同岑麗香、商天娥、龔慈恩等宣傳劇集《寶寶大過天》。蜜運中的馬國明於活動上，對住劇中女兒流露慈父模樣，他表示不抗拒做爸爸，被商天娥取笑：「很快到他了！」

馬國明早前返內地商演，逗留1個多月，笑指他豬籠入水？他笑說：「不是，搵餐飯仔食而已，公司說我不夠騷，要還錢。原本未有這麼快回港，但10多日前收到新劇（《隱形戰隊》）拍攝通知。」

有指《隱》劇原本由陳展鵬主演，但現在「變陣」由他頂上。馬國明表示不清楚，亦不介意，從來不過問公司調動，他只擔心不夠時間訓練，他說：「那支輕機槍10幾磅重，連續舉2、3個小時都幾甘，比我在劇中抱住女兒還累。」

ching2506

(星島即時娛樂)
否認內地巡迴商演豬籠入水 馬國明謙稱搵餐飯仔食
2021-06-29 17:56

馬國明、岑麗香及朱斐斐今日為劇集《寶寶大過天》宣傳，剛從內地返港的馬明，笑言在公司不夠騷，於是到內地搵錢養女。今次馬明在內地逗留個多月，做了4、5場商演，但10多日前收到通知，將要開拍文偉鴻監製的新劇《隱形戰隊》，所以便提早返港。問他是否豬籠入水?他否認並稱只是搵餐飯仔食。

之前有傳《隱形》的男主角是陳展鵬，馬明表示不知道，他不會介意，亦從來不會過問公司的調動，反而擔心自己不夠時間練習。他指新劇是反恐題材，與陳山聰、唐詩詠及林子善等合作，今早他練習完輕機槍，所以抱起劇中女兒時感覺好輕。

lily123

(on.cc)
劉穎鏇打籃球勁過男仔　讚鄺潔楹細細粒好好波
07月02日(五) 16:15

(節錄)
談到與好姊妹鄺潔楹同組，不過身高卻有明顯差距，Tiffany即力撐對方：「佢人仔細細，但身手好靈活，佢仲自稱係秘密武器，搶籃底球不知幾犀利，公司應該好鍾意我哋一齊，私下我哋又係好朋友，不過我哋唔介意大家身高。」忙於準備新劇《隱形戰隊》的她，透露為操弗身體線條，即使站於男藝員面前都毫不輸蝕，現時每個星期健身5天。

lily123

(on.cc)
布景板做足9年！朱斐斐受暴食症折磨終守得雲開
07月04日(日)
08:59更新

(節錄)
近日劇本紛紛送上門，稍後將連踩兩劇，更正式簽約經理人公司，與好友關嘉敏成為「同門」。繼「融入家中的姐姐」後，斐斐於新劇《隱形戰隊》內獲派演的士司機：「今次會粗魯啲，因為角色人物要照顧病父。（你手車好得？）我冇車牌㗎，多謝劇組最終肯特別處理。」

lily123

(on.cc)
湯洛雯下旨唔畀太瘦！馬國明甘願為岑麗香紮…
07月08日(四) 16:02

(節錄)
視帝馬國明與岑麗香出席無綫劇集《寶寶大過天》宣傳，前者身形比早前弗，透露現忙於為新劇《隱形戰隊》開工，今次要應付大量動作場面，故開拍前刻意減磅及操肌。

ching2506