『隱形戰隊』拍攝追蹤

ching2506

吳家樂 :
劇集<隱形戰隊>廠景拍攝去到尾聲，多謝監製Jazz和拍攝團隊不斷的指導。外景拍攝繼續加油

ching2506

ching2506

lily123

(on.cc)
小背心拍爆破戲　「羅拉」劉穎鏇變膠人
10月19日(二) 15:02

前港姐亞軍劉穎鏇（Tiffany）近日忙於拍攝新劇《隱形戰隊》，劇中佢以「羅拉」Look上陣，着上緊身背心勁騷激凸上圍，迷倒大批宅男。不過其實呢個造型真係「有苦自己知」，事關着住小背心拍打戲無遮無掩，受傷機會大大增加，而呢日Tiffany拍攝一場爆破戲時，就自爆另類安全措施，竟然將自己「包膠」！

見佢用膠紙封住手臂及腰間位置，以防被玻璃擦傷，不過就驚變「膠人」，連拍檔陳山聰都忍唔住笑指：「佢膠膠哋！」雖然Tiffany成功保護自己冇受傷，但實際上係「先甜後苦」，因為膠紙竟貼住佢嘅真頭髮，令佢痛到叫苦連天，佢表示：「真係有啲真頭髮喺度㗎！我啲BB hair呀！我下次都係唔要呢個免費脫毛啦！」

ching2506

lily123

日期： 29/10/2021
活動： 《隱形戰隊》外景探班
嘉賓： 馬國明、陳山聰、劉佩玥、劉穎鏇、
          郭子豪、阮浩棕、容天佑。
時間： 14:30
地點： 油塘崇信街8號鯉灣天下3樓泳池

lily123

(on.cc)
高下立見︱劉穎鏇豪晒34.5D　撼一件頭劉佩玥
10月29日(五)
17:25更新 16:43建立

藝人劉穎鏇（Tiffany）與劉佩玥（Moon）泳裝上陣為無綫劇集《隱形戰隊》開工，前者更穿三點式晒馬甲線於泳池戲水，女神Feel十足，事後Tiffany笑指自選美後未曾試過公開穿泳衣，故心情緊張又怕醜：「頭先行出嚟我有選美嘅感覺，之後喺泳池上水嘅時候就好驚走光，好在工作人員有睇住我。（馬國明話今日盲咗，唔敢望你哋！）有啲咁嘅事？又冇聽佢提，我都冇特別留意佢，佢企喺我隔籬，咁佢係望住我對眼嘅，好乖，咁佢係好男仔，唔使質疑。」

對於陳山聰踢爆她為了該場戲份花了幾個月Keep Fit，Tiffany表示：「其實係為套劇Keep，今年4月已經開始健身，因為知道會同一班好Fit同大隻嘅男仔拍戲，作為女仔代表都要練啲肌肉，企喺佢哋隔籬就服力多啲。

而Moon則穿上一件頭泳衣，下身再披一層薄紗，論性感程度不及Tiffany，對此她笑說：「今日好多工作人員咁講，但係劇情需要，佢係模特兒身份，我就扮馬國明女友去吸引富二代，所以造型高貴啲。（使唔使Keep Fit？）我冇操得咁勁，每日見到Tiffany食嘢好健康，又勤力做運動，搞到我都畀佢影響到，的起心肝做運動。（今日咁嘅造型唔怕走光？）其實我都有少少衩，坐喺張太陽椅度都易走光。」談到日前大隊到深水埗取景，因其聲線響亮被投訴擾民，Moon也對此向受影響居民致歉：「因為劇情需要，我都知自己好嘈，真係唔好意思。」

lily123

(on.cc)
驚被湯洛雯扭耳仔！馬國明「扮盲」唔敢睇女仔
10月29日(五) 18:02

視帝馬國明、陳山聰、郭子豪、劉穎鏇（Tiffany）及劉佩玥（Moon）於油塘為無綫新劇《隱形戰隊》拍外景，3位男士以臥底身份，保護泳裝上陣的Tiffany及Moon，當中馬國明更化身汶萊富家子，拯救被其他男士纏繞的Moon。相對於兩位女神泳裝上陣，男士們卻無需跟隨，馬國明與山聰更笑指泳裝重任交由女士組負責，山聰還爆Tiffany為了該場戲花了幾個月操Fit。

名草有主的馬國明，被問到是否艷福無邊？他卻笑說：「我今日盲咗，唔可以亂講嘢，所以只係見到山聰好有型。（冇同女友湯洛雯備案？）就係冇報，所以咪盲咗囉！但平時佢都有叫我睇、仲會問我，我唔係好識觸摸，所以佢問我就扮啞，即係又盲又啞囉！（好驚女友聽到你講其他女仔？）佢會睇我啲訪問，如果有直播可能睇緊添！（即係佢係醋娘子？）又唔係，佢都好大方嘅。」

ching2506

30/12/2021 廠景完

ching2506

張國強kkVM :
祝大家的11月有好事發生、有陽光明媚、有快樂的好心情，一起加油！