『四十二章經』拍攝跟蹤

lily123

(on.cc)
打到周身傷！龔嘉欣慣咗唔識痛：我係打女嚟㗎嘛
12月31日(五) 14:01

藝人龔嘉欣去年於劇集《殺手》做打女而人氣急升，更首度奪得「馬來西亞最喜愛TVB女主角」，榮登馬國視后。今年佢再接再厲，於新劇《四十二章經》再做打女，向來唔錫身嘅佢，呢日再次打到周身傷，佢喺社交網大晒傷勢，見佢手臂有一大片紫黑色嘅瘀傷傷口，傷勢由上臂一路延伸至手腕，睇見都戥佢可憐！不過佢就笑言拍攝時太投入，係拍完先發現受傷：「每一次拍打戲都唔會諗太多，淨係一心想做好個動作，真係拍完返屋企沖涼先發現，同埋終於識痛。所以聽日做嘢都要着長䄂衫，驚嚇親大家。放心，我已經習慣咗，因為我係打女嚟㗎嘛！」

ching2506

馬海倫TVBV :
今早凌晨4:30化妝拍攝：四十二章經 外景，碰到偶像發哥跑完來中環食早餐，當然要影相留念

ching2506

江嘉敏Kaman :
一起捱過有血有汗有淚的小伙伴，12廠完了再接個13廠。
外景還有1個多星期，是真的累真的睏
不過⋯⋯開始有點捨不得⋯

ching2506

頭條獨家丨陳豪坦認暫時拒同陳茵媺親熱 小心防疫 一Cut機即彈開兼戴口罩
23/01/2022 21:30:00
   
本港爆發第5波疫情，拍緊TVB新劇《四十二章經》的陳豪，因為仔細老婆嫰，防疫意識特別高。日前佢喺中環鬧市拍外景，劇組被大班街坊圍住，被圍喺核心中間嘅陳豪戲外九秒九戴返個口罩，兼且彈開同人群保持距離，為人為己真醒目。佢仲自爆因為拍劇要四圍去，所以呢期拒絕同火辣辣嘅索妻陳茵媺親熱，瞓覺仲Keep住戴口罩，好彩當日係陳豪最後一日開工，恭喜陳茵媺。
採訪：方騫平 攝影：沈健程

陳豪(阿Mo)、龔嘉欣及江嘉敏等人喺中環結志街一間肉食公司拍一場最齊人嘅結局戲，劇情講述阿Mo跟龔嘉欣因為新舖開幕獲親友前來道賀，切完燒豬一齊食。當日戲裏戲外都相當熱鬧，朝早十一點幾先有天王巨星周潤發揸車路過同劇組驚喜打氣，他大聲說：「拍完好走喇！」原來發哥同朋友行完山去到附近買糖沙翁食，咁啱喺餅店撞到劇中演員馬海倫，所以兜過嚟同TVB劇組打個招呼，不過呢個「路人甲」喺一秒間就絕塵而去，連陳豪都唔知發哥曾經現身。

拍劇避唔到同人接觸
鏡頭前嘅陳豪擘大口食燒肉，食得相當滋味，仲同演員貼晒身演出，鏡頭外非常驚青，火速戴返個口罩，而且注重社交距離。陳豪認真說：「拍戲人多，既然控制唔到人群聚集唯有小心啲。尤其我屋企細路多(兩子一女)，噚晚瞓覺我都戴返個口罩…係咁㗎喇，要為佢哋保持安全性，求個安心啫！因為喺條街接觸咁多人，都唔知會發生乜事。」記者追問他，豈非要跟陳茵媺保持距離？阿Mo笑住坦白承認：「少少啦，一陣啫。(老婆咁索咁熱情喎！忍得住咩？)唔緊要啦，暫時啫。哈…」問到會唔會再追多個？他稱冇呢個家庭計劃，但兩公婆都鍾意BB，除非有「意外」啦。

做人要堅持自己信念
今年台慶，陳豪視帝五大不入，他輕鬆面對仲有套加油理論：「人生係重要嘅，但唔係為獎項，有獎等於搭吓膊頭有少少獎勵，冇獎唔代表啲戲唔好，因為之後仲要接受好多挑戰，所以唔好放鬆及氣餒，做藝人同做人一樣要有耐性、堅持及信念，教仔女我都會咁教。做藝人更加要吃得開、玩得開、做得努力。」

lily123

(on.cc)
梁敏巧低溫下穿短裙拍劇企足10粒鐘
01月28日(五) 09:08

藝員梁敏巧（Maggie）最近為無綫劇集《四十二章經》到清水灣與周嘉洛、黃碧蓮等拍攝外景，當晚她在16度低溫下要穿着短裙仔拍攝，更要企足10個鐘，手腳也被冷風吹到冰冷，但好在大家對拍攝心中有有團火，過程愉快！

她說：「大家開工都好有熱誠，我同周嘉洛、黃碧蓮都係第一次合作，拍攝嗰陣大家都可以即時拋到好多嘢出嚟，過程好開心。」

ching2506

28/01/2022 殺青

姚莹莹EileenV :今天我的戲份，四十二章經煞科了

lily123

(on.cc)
唔玩烈火戰車︱新牌仔周嘉洛安全第一　驚太激情出事
01月29日(六)
23:34更新
23:01建立

周嘉洛與江嘉敏前晚拍電單車戲，由於嘉洛沒有電單車牌，只能借位齋Chok扮有型。他自嘲「新牌仔」，笑指「速度」太激情，不愛飛車。

無綫新劇《四十二章經》演員周嘉洛、江嘉敏、黃碧蓮、關楓馨等，昨晚（28日）在清水灣拍攝鍊車場面，嘉洛載着黃碧蓮到場，引起一陣叫囂！劇中愛片車的他，現實中沒有電單車牌，要由替身上陣，他笑說：「拍到我好有型咁，但真係揸就唔使我。」

江嘉敏考牌

駕駛「4個轆」的他自嘲是新牌仔，安全第一，不會揸快車：「都係來回公司同屋企，又塞車，都快唔得去邊，速度太過激情喇！我擔心駕駛技術未成熟，練吓先。」劇集於農曆新年前煞科，他坦言不捨：「對手戲最多係江嘉敏，佢Energy好高、好調皮，對比起佢，原來我好沉實。」

江嘉敏拍攝坐嘉洛車尾的鏡頭，她笑說：「我哋都冇牌，由替身揸車，所以好安全。」劇中有不少動作戲如打鬥、追逐、吊威吔等，她都親身上陣，而為了將來拍劇，她正考電單車牌：「上堂跌得好甘，但一次合格，4、5月考路試，遲啲有牌就可以親身上陣。」同場的關楓馨以短裙仔客串攞經驗。

ching2506

星島獨家丨 鄺潔楹為救周嘉洛 狂摑渣女黃碧蓮
2022-01-31 02:30

周嘉洛、鄺潔楹（Judy）、江嘉敏（Kaman）與黃碧蓮到九龍塘為新劇《四十二章經》拍攝外景，劇情講到「兵仔」周嘉洛被黃碧蓮要求為交通意外做「代罪羔羊」，幸獲兩位好友Judy與Kaman出面摑醒，Judy更使出獨門武功飛撲上前連摑黃碧蓮，配合她一身爆炸頭造型畫面十分惹笑！四位演員年紀相約，拍攝過程十分熱鬧融洽。
文：李文偉  圖：譚志光

今次新劇造型十分勁爆，當中以Judy的「三頭身」比例爆炸頭最為搶鏡，而Kaman也剪了一頭短髮展現男孩子氣一面。拍攝時間足足5個月，二人都表示早已習慣一身造型，Judy表示：「今次造型好唔同，不再是大家經常見到的長直髮，這個髮型很能帶我投入到角色中，現在set好髮型便會想打人了，哈哈，所以造型真的好重要！這個髮型是每次演出前set，都足足5個月了，相信電視城的大家都習慣見到我這樣，所以當我未set頭路過時，大家根本沒將我放入眼內，經常轉過頭確認才發現是我！」

Kaman則笑指Judy每次出場都有動作戲，以武功摑爆其他人。而剪了一頭短髮的她笑指短髮太方便，即使拍攝完成也沒打算留長，想嘗試染成不同顏色的短髮，嘗試一下型格路綫。Judy與Kaman是繼《七公主》後再度合作，回想起拍攝《七》時已是疫情，因此拍攝至今一直很小心，身為演員會勤力換口罩，最勤力是幕後工作人員會以漂白水消毒。二人透露拍攝有望在年廿九前完成，可以好好在農曆年假期休息，近日密密開工拍攝外景，幾乎為新劇走均全香港。問Judy對假期可有計畫？她笑言：「最想好好休息及瞓覺，因為我不用拜年，屋企人都不在香港。」Kaman則計畫將時間留給家人，希望在假期勤力做運動keep fit，因為拍攝時經常萬歲密密食。

至於嘉洛拍此劇時則被年輕女藝員包圍，他笑言與Judy及Kaman合作愉快，大讚二人好玩得，自己也沒有被欺負，因場口幾乎都會與二人同場，才會經常出現「男女失衝」的局面。而轉眼間只剩兩天便完成拍攝，今次是他暫別《愛‧回家之開心速遞》後，繼《痞子殿下》再入劇組，感謝各個劇組及拍檔都好好人會照顧他，而他的戲分會在新年前完成，已計畫好在假期時睡夠三天，好好補充體力，又透露將會拍攝林志華監製新劇，希望來年能夠身體健康，好好應付不同工作。

ching2506