《回歸》+ 短劇拍攝跟蹤

lily123

(on.cc)
戴祖儀負傷上陣　周嘉洛英雄救美慘遭嫌棄
04月26日(二) 21:19

無線藝人周嘉洛、戴祖儀（Joey）及丘梓謙等演員，今日（26日）下午於數碼港為無綫新劇《回歸》、《曙光》開工。劇情講述Joey為嘉洛做人工呼吸，她搞笑稱會以大蒜「攻暈」對方，而嘉洛都唔輸蝕，以口中大痱滋還擊，實行鬥折磨。

場口講述3人於海旁追逐後發生打鬥，期間Joey不小心失足墮海。嘉洛即時跳入水中英雄救美，但結果卻是由Joey替嘉洛人工呼吸。落海一幕由替身演出，兩人只是淋濕身扮落水。被問到2人有否為咀戲作事前預備，Joey搞笑説：「好緊張呀，因為佢好辛苦一直通頂又一組接一組不停拍，所以口入面生咗勁大粒痱滋，驚佢會傳染。」嘉洛接著説：「俾佢咁講完我仲緊張，勁尷尬添呀，佢咁繪形繪聲，搞到依家有少少開心同興奮，哈哈！」雖然鏡頭後嘻嘻哈哈，不過到正式拍攝時兩人都非常專業，咀戲只需幾Take便順利完成。另Joey於早前拍《不可能任務》時右腳拗柴，到現時仍未完全康復，她說：「由今朝7點開始拍，一直着住高踭鞋跑，依家似有啲復發痠痛，不過拍緊時唔覺嘅，今晚應該要浸個熱水浴，聽日放假去針灸，好有效。」Joey被問到星夢娛樂正式改名為tvb music group一事，她表示全不知情，近來一直忙於拍劇，公司年頭已安排好全年的工作，想信應該沒有太大影響。

另有報道指嘉洛與緋聞女友蘇韻姿處於冷戰狀態，問到嘉洛現時感情狀況時，他表示：「絕對冇感情可言，拍劇拍到沒日沒夜。（咁係咪冷戰？）傳聞嚟啫仲要好耐之前啦！從來都冇呢啲事，從來都同佢冇任何嘢，大家係好朋友。」

ching2506

(HK01)
郭晉安憶初出道時受曾江前輩啟蒙　早年九龍城偶遇：請咗我食早餐
撰文：林迅景
出版：2022-04-29 07:15
更新：2022-04-29 10:42

兩屆「視帝」郭晉安參與無綫重頭劇《回歸》飾演男主角區耀祖，早前因為疫情關係，劇組需要停機休息，不過近日已重啟而拍得如火如荼。日前（28/04）郭晉安他們於數碼港拍攝一場重要戲份。郭晉安接受《香港01》訪問時，就自言角色對他相當有挑戰性，全因他飾演一名外剛內柔的「廚房佬」。他說：「我喺劇入面有兩個仔，周嘉洛同吳偉豪，個感覺好得意，好似睇返入行時候嘅自己咁。」

郭晉安續說：「佢係一個廚房佬，好堅持（親手）煮每一道菜式，而陳煒就係一個將我哋小菜館發展成為機械人煮餸嘅小菜館。」關於飾演「廚房佬」的難度，他分享道，有一晚他需要在廚房煮餸拋鑊，雖然他事先在家訓練了一段時間，但臨場演出卻發現難度比想像中大得多，說：「開頭都係威係勢，隻鑊都四斤重，用左手拋鑊。我喺屋企都練過以為我得，但係當拋多幾拋，因為隻鑊仲有餸喺入面，就發現自己拋唔到，連隻鑊都拎唔起，最後我只可以用一個幾簡單嘅技巧拋吓。」

談到劇中的演出，郭晉安表示「區耀祖」這個角色的喊戲特別多，後期演出部份幾乎都需要狂喊。他說：「總言日日我對眼都紅住咁去拍，我仲要喺屋企練。每次諗呢個人物點樣去演嘅時候，練完一次又一次，嗰日返工前，對眼已經紅晒，返工要滴眼藥水，但係返到屋企又要練，跟住監製已經問點樣對眼紅晒，我話冇辦法啦，喊戲多到咁樣。」他分享道，自己練喊戲必需要代入角色，找到最傷心的一幕自然就喊得出，並不需要刻意回憶令自己傷心的事情。

曾江前輩於2022年4月27日逝世，郭晉安對此表示十分惋惜，說：「我成名作叫《誓不低頭》（1988年首播），Ken哥（曾江）喺入面係做反派嘅，嗰時佢已經有好多嘢提醒我。之後我去咗港台拍一套劇，裡面都係講佢做我師傅，教我好多嘢。嗰一集好特別，我哋要玩好多球類，例如藍球、草地滾球，Golf、網球，都要玩，但係我覺得點解Ken哥咩都識嘅。我覺得好神奇！跟住佢提醒我一樣嘢：『我哋做藝人咩都要學，咩都要識，但係唔使叻，因為我哋拍出嚟最緊要似，有人信。』自從嗰次之後，我成個人就改變咗，咩都去學，個好奇心就走咗出嚟，總之有咩幫助到演出，我就想去知，想去學，啟發咗我！」他也說，自從仍他離開TVB後就很少見面了，不過郭晉安早幾年曾經在九龍城碰見曾江前輩，說：「佢仲認到我，仲請咗我食早餐添。」

ching2506

(HK01)
回歸｜周嘉洛激讚郭晉安冇得彈！　關係似兄弟：又感受到一啲父愛
撰文：林迅景
出版：2022-04-29 08:15

周嘉洛於《回歸》一劇中飾演區家健，說：「故事包含咗年輕人奮鬥故事，仲有一啲父母之間決裂。」他在劇中飾演郭晉安的兒子，周嘉洛表示與前輩感到興奮又開心，說：「安哥呢個前輩好到不得了，超級好，冇得彈！」

周嘉洛續說：「佢用一個分享嘅態度，個人好易話為，好傾到偈。一開始會擔心，但係相處過後發覺好舒服，我個學習模式可以隨意啟動，佢又好願意分享，同時都唔會用一個好刻意去教嘅形式，所以我同佢關係似係兄弟多過父子，但係當中又感受到一啲父愛。」早前因應疫情而停工休息一段時間，他自言早前追趕進度時真的十分忙碌。他說：「平均一日都有5，6個鐘瞓覺嘅。」

ching2506

(HK01)
戴祖儀尊稱周嘉洛做「嘉洛哥」　偷師學做戲：我都係入鄉隨俗
撰文：林迅景
出版：2022-04-29 11:00

戴祖儀於《回歸》一劇中飾演張萊，日前（29/04）探班活動中，她接受《香港01》訪問時說：「我呢個角色比較獨立自強，所有嘢都好叻，所有嘢都好有魄力，會同周嘉洛比賽。」她表示，這個角色帶些潑辣，與以往甜美的形象非常不一樣。

戴祖儀表示，同劇演員經驗都相當夠，而自己只是一名新演員，所以很多時候都能夠在他們身上偷師，說：「每論係安哥（郭晉安）定嘉洛哥（周嘉洛），哈哈哈，因為大家都咁叫，所以我都係入鄉隨俗跟住叫嘉洛哥，同埋佢真係前輩嚟，19，20歲喎，佢仲要做安哥個仔，所以大家都叫尊稱為嘉洛哥。」

她笑說：「不得了，你知我哋要趕進度好少時間休息，但係佢又同時孭住幾套戲，但係佢都可以不停keep住有活力，off-cam又可以不停講嘢，所以我非常之敬佩佢。」同時戴祖儀也表示郭晉安才是真正的前輩，親身見到他出演才明白他成功之處，說：「臨場睇就feel到佢嗰種，每句演釋全部都有諗過度過，同埋抑揚頓挫，所以我都乘機偷吓師。」

ching2506

ching2506

(on.cc)
郭晉安家族生意疫市加開15間分店　準備打入大灣區
04月30日(六) 15:30

(節錄)
視帝郭晉安（安仔）今午（30日）現身元朗，為姐姐及姐夫投資的健康產品新店擔任剪綵嘉賓。據悉，疫情之下由去年6月開始，他們的家族生意已新增15間分店，未來在港會再開多5間，且未來兩、三年內會朝着大灣區發展。

與周嘉洛演兩父子
談到拍攝劇集《回歸》、《曙光》，安仔表示上有幾日煞科。今次戲中與周嘉洛演兩父子，他說：「佢都算我係演戲以嚟，遇到最大嘅『仔』。佢同我背景好似，一樣係拍處境劇起家，喺佢身上都冇睇到自己以前嘅影子，不過佢好醒目，話頭醒尾，係一個好欣賞嘅年輕人。（拍完你放暑假？）係呀，雖然去唔到旅行，但會安排啲活動畀對仔女，陪佢哋跑吓山、游吓水同去吓郊外，相信會攰過拍劇。」

ching2506

汪明荃lizaVM :
第一天外景收工。

lily123

日期： 5/5/2022
活動： 《回歸》外景探班
嘉賓： 汪明荃、郭晉安、陳煒、吳偉豪、
          周嘉洛、戴祖儀、游嘉欣、林正峰、
          林智樂、陳嘉慧、區永權、黃碧蓮、
          張國強、潘芳芳、區靄玲、黃子雄、
          姚亦澧、翟威廉、劉嘉琪、劉家聰、
          趙璧渝、梁証嘉、蕭文諾、黎寬怡、
          譚坤倫、鄔嘉俊、冼子筠、蕭百成、
          黃一鳴、宋懿芳、吳洛文、黃瀅仴、
          吳兆麟、黎文傑、蔡景行、蔡尚晉、
          葉衍佑、李鉅峰、阮嘉敏、陳嘉輝、
          周百恩、黎瑞業。
時間： 12:00
地點： 數碼港道100號數碼港商場中庭

ching2506

汪明荃liza VM :
05/05/2022
第三天外景拍攝，在「回歸」劇集的客串，戲份己完成，多謝Ah Lam的

ching2506

回歸丨汪明荃客串演出怕辛苦拒拍長劇往澳門演出隔離21日唔擔心
05/05/2022 15:45:00
   
久未拍劇的汪明荃（阿姐）今日客串演出TVB新劇《回歸》，同場還有郭晉安、陳煒及遊嘉欣，眾人拍攝創業比賽埸口，阿姐為該劇演出總評判一角，她說只拍3日戲，今日是最後1日，她沒想過再拍長劇，因太長時間很辛苦。

今年是香港回歸25週年，阿姐透露會擔任回歸騷司儀，而6月1及2日將為澳門藝術節壓軸演出兩場演唱會，下週一會出發去澳門隔離21日。如何度過21日隔離生活？阿姐表示也不知道，第一次隔離也不敢想像，有人教她做直播，但至今仍未學懂。會否擔心身體？阿姐反問好食好住擔心甚麼，但談及曾江在檢疫酒店出事，阿姐直言：「冇人知道係好慘、好可惜。」至於老公羅家英哥會否同行？阿姐表示不會，原來他這段時間去新加坡旅行，因當地不需隔離較為方便。

日前與羅家英慶祝結婚13週年紀念，阿姐笑稱與朋友很久沒見，只是找個藉口食飯相聚。家英哥有何表示？阿姐透露他送上玫瑰花，所以每張相都拿著花束，不過禮物就互免。