PTU題材新劇

ching2506

監製: 鍾澍佳, 羅永昌

暫定演員: 陳山聰, 吳卓羲，唐詩詠

ching2506

(on.cc)
電影導演助陣無綫！吳卓羲陳山聰全力加操做精壯PTU
04月29日(五) 00:00

無綫精益求精，望劇集拍出電影感，近年不時找電影導演合作，而即將開拍、以PTU為題材的新劇，就找來電影導演羅永昌助陣。男主角將由陳山聰、吳卓羲擔任，他們互笠高帽，揚言會Fit爆上陣，至於女主角尚未落實，人選暫時有唐詩詠、龔嘉欣及何依婷。

無綫經常開拍紀律部隊系列劇集，不過PTU（警察機動部隊）題材就不算多，只有多年前的《學警出更》及《機動部隊2019》。據知，無綫6月底將開拍PTU題材新劇，由「TVB NEW WINGS」總監鍾澍佳親自監督，他透露為了令劇集更有電影感，專誠找來電影《PTU》的執行導演羅永昌助陣拍攝。

卡士方面，PTU當然要找演技全面而體能、身形Fit爆的藝人擔演，據知男主角敲定近期人氣急升、被推為今年「視帝」兼向來甚Fit的陳山聰，聯同近年主攻電影、睇得又打得的吳卓羲擔任。劇中他們飾演PTU沙展，當中有大量意想不到的槍戰、大場口動作戲份，絕對是非一般的警察劇集。

問到其他「男精英」人選時，鍾澍佳坦言：「我哋仲挑選緊，想搵啲有型靚仔又健碩嘅年輕演員，今次返嚟想拍啲電影感強嘅劇集，呢個都係未來趨勢，之後會搵多啲電影導演同攝影師合作。」劇中還有2名女PTU角色，而無綫暫時還在挑選中，考慮人選包括唐詩詠、龔嘉欣、何依婷及戴佳敏。

陳山聰及吳卓羲接受東網訪問時互笠高帽，陳山聰稱吳卓羲「大哥」，對方即指他才是「前輩」。山聰說：「我啱啱收到公司通知，可以同卓羲合作當然開心，佢係我個仔嘅契爺嚟，而且佢依家主攻電影，唔係咁容易請到佢返嚟TVB拍劇！我10幾年冇同佢合作過，依家大家成熟咗，好期待，希望佢睇住我呢個細佬啦！契爺睇住我！」

提到與羅永昌導演合作，他表示：「我未演過PTU，當然電影《PTU》有睇過啦，套戲咁出名！其實（新劇）內容、劇本我哋都未知，女主角係邊個我哋都未知！」身形甚Fit的他被問到是否要操得比現時更Fit？他笑說：「一定會死操難操，好在仲有時間畀我準備，我會以最Fit狀態同大家見面。羅永昌導演唔係拍電影根本合作唔到，咁難得鍾澍佳可以請佢返嚟拍，我已經好期待，真係要加倍努力。」

而吳卓羲近年主力拍電影，之前獲拍檔大讚動作戲出色。自從2014年《梟雄》後，他已多年未接拍無綫劇集，他受訪時說：「真係好多年冇拍TVB劇集，我只係知同山聰合作，其他嘢全部未知，操就一定要操啦！（山聰叫你睇住佢喎！）嘩！佢係我前輩，係都佢睇住我啦！」

唐詩詠何依婷同屬考慮人選
至於女主角方面，視后唐詩詠及龔嘉欣亦曾在劇集做過打女，尤其龔嘉欣於劇集《殺手》打得出色，獲一致好評，而唐詩詠之前在《鐵拳英雄》亦露過兩手。嘉欣表示與吳卓羲未曾合作，對於要演女PTU，她說：「如果監製揀我，都好多謝佢嘅信任，相信呢個組合會有新鮮感。拍動作戲冇問題呀！之前拍《四十二章經》都有練番，如果真係再拍（動作戲）都會再操番，練好啲體能，我冇演過呢類型嘅角色，覺得好有挑戰。」同是考慮人選的何依婷，早前曾入院做割腫瘤手術，她說：「我康復晒喇！不過冇收到公司通知，詳細嘅嘢唔清楚。」

ching2506

(on.cc)
唔介意被叫「Forever Cheap」　曹永廉：最緊要大家睇得開心
05月04日(三)
18:32更新 18:01建立

(節錄)
藝人曹永廉正式加入無綫處境劇《愛．回家之開心速遞》大家庭，劇中飾演食屎陳師奶叔仔的他，與「熊家」有甚多對手戲，而阿廉的戲份今晚（3日）正式首晚「出街」，他接受東網訪問時，坦言與《愛》劇大家庭合作得很開心，更笑言：「都拍咗4集喇！好好玩呀！而且呢套劇收視咁高，沾吓啲光都好呀！」

阿廉一劇接一劇，現時亦正在拍攝《破毒強人》的他，還有多套存貨播未，他謂：「仲有《痞子殿下》、《十八年後的終極告白2.0》未出，嚟緊我都要拍PTU套新劇，(咁咪未返得內地住?) 希望10月可以啦！」

ching2506

(on.cc)
胡美貽剪短髮打拳操爆肌　唐詩詠朝朝跑6k
6月14日(二) 00:01

無綫「咪神」胡美貽之前剪了一頭超短髮，甚有型格，原來皆因之後會於無綫劇集中飾演女PTU，與陳山聰、唐詩詠等合作，近日她都積極鍛煉，滿身肌肉，不過劇集將延遲拍攝，故她都擔心身形會反彈。

劇中詩詠會飾演高級警務人員，而PTU方面就會交由「無綫咪神」胡美貽飾演，其他女角就有陳自瑤及何依婷。不過由於劇組方面想故事更加精益求精，不想因為本趕開工會影響拍攝質量，故本來於6月底開拍，現時會延遲8月才正式開機拍攝。

山聰受訪時坦言對詩詠很放心，指她現時拍甚麼都沒問題，「佢朝朝都跑6K、8K，佢自從拍咗《超能使者》同《隱形戰隊》開始已經做好多運動，佢係好捱得嘅！」現時忙於拍攝《美麗戰場》的山聰指延遲拍攝絕對是好事，他說：「因為本身我要兩套劇一齊開，咁就覺都冇得瞓，依家我可以專心拍咗葉念琛呢套《美》劇先，又有足夠時間畀我休息同操練，兼顧兩套劇真係好辛苦，依家我可以專注做一套劇先，我又可以陪阿仔放暑假，真係三得益彰。」他又笑指詩詠向來是鋼條型，對腳幼過條光管。

而詩詠受訪時說：「我其實仲未收劇本，我唔係演PTU，但就都係高級警察，成日會同山聰、吳卓羲有接觸，同埋之前我都開始咗跑步，所以係好事，我都Train咗一段時間，冇乜影響，依家嘅體能愈遲拍就一定愈好啦！」  

ching2506

(on.cc)
曾比特自豪中過$20六合彩　胡美貽專登剷青拍新劇
01月13日(五) 15:23

(節錄)
歌手曾比特、胡美貽為無綫J2節目錄影......而胡美貽上年專登剷青開拍無綫PTU題材劇集，但由於原本女主角唐詩詠已離巢，劇集又延期開拍，她都頭髮已長了不少。問她知否劇集何時正式開拍，她說：「希望4月啦！我都有問過，唔會換走我嘅!」劇中有不少動作的，他表示一直有鍛煉體能，跟透露二月會跟洪永城報亞馬遜拍攝旅遊特輯，笑言到時會變身女泰山或羅拉，大騷肌肉。」